کچھ لوگ بڑے حاضر دماغ ہوتے ہیں

اسلام آباد(نیوز ڈیسک) اپنے وقت کے نامور خلیفہ ہارون رشید بڑے حاضر دماغ تھے ایک مرتبہ کسی نے ان سے پوچھا“ کہ آپ کبھی کسی کی بات پر لاجواب بھی ہوئے ہیں؟“ انہون نے کہا۔۔۔“ تین مرتبہ ایسا ہوا کہ میں لاجواب ہوگیا۔۔ایک مرتبہ ایک عورت کا بیٹا مرگیا اور وہ رونے لگی۔

میں نے اس سے کہا کہ آپ مجھے اپنا بیٹا سمجھیں اورغم نہ کریں۔۔۔۔اس نے کہا کہ میں اس بیٹے کے مرنے پر کیوں نہ آنسو بہاؤں ۔۔۔۔ جس کے بدلے خلیفہ میرا بیٹا بن گیا۔“دوسری مرتبہ مصر میں کسی شخص نے حضرت موسیّ ہونے کا دعوی کیا ۔۔۔ میں نے اسے بُلوا کر کہا کہ حضرت موسی کہ حضرت موسی علیہ السلام کے پاس تو اللہ تعالی کے دئیے معجزات تھے ۔۔۔ اگر تو واقعی موسی ہے کوئی معجزہ دکھا۔۔۔ اس نے جواب دیا کہ موسیّ نےتو اس وقت معجزہ دکھایا تھا۔۔۔ جب فرعون نے خدائی کا دعوی کیا تھا، تو بھی یہ دعوی کر تو میں معجزہ دکھاؤں گا۔۔۔““تیسری مرتبہ لوگ ایک گورنرکی غفلت اور کاہلی کی شکایت لے کر آئے ۔۔۔ میں نے کہا کہ وہ شخص تو بہت نیک ۔۔۔ شریف ۔۔۔ اور ایماندار ہے ۔انہوں نے جواب دیا کہ پھر اپنی جگہ اسے خلیفہ بنا دیں تاکہ اس کا فائدہ سب کو پہنچے۔ واقعی کچھ لوگ بہت حاضر دماغ ہوتے ہیں۔