سعودی عرب نے اپنے شہریوں کو ہدایات جاری کریں

ترک اشیا کا مکمل بائیکاٹ۔۔۔ سعودی عرب نے اپنے شہریوں کو ہدایات جاری کریں

جدہ (ویب ڈیسک)سعودی عرب نے ترک صدر رجب طیب اردگان کے حالیہ متنازع بیان کے بعد اپنے شہریوں کو ’ ترک اشیا کی بائیکاٹ‘ کی ہدایت کردی۔واضح رہے کہ ترک صدر نے کہا تھا کہ کچھ خلیجی ممالک خطے میں عدم استحکام پیدا کرنے والی پالیسیوں پر گامزن ہیں۔غیرملکی خبررساں ادارے ’رائٹرز‘ کے مطابق سعودی عرب کے چیمبر آف کامرس کے سربراہ اذلان العجلان نے ایک ٹوئٹ میں کہا کہ ’ہماری قیادت، ہمارے ملک اور شہریوں کے خلاف ترک حکومت کی مسلسل دشمنی کے ردعمل میں ہر سعودی تاجر اور صارف ہر چیز کا بائیکاٹ کریں۔انہوں نے کہا کہ شعبہ درآمد، سرمایہ کاری یا سیاحت کی سطح پر بھی بائیکاٹ کرے۔بعض خلیجی ممالک پر عدم استحکام پر مبنی پالیسیوں کا الزامات لگانے کے علاوہ ترک صدر نے جنرل اسمبلی سے خطاب کے دوران یہ بھی کہا تھا کہ ’یہ بات بھی فراموش نہیں کی جانی چاہیے کہ یہ ممالک کل موجود نہیں تھے اور شاید کل موجود نہیں ہوں گے اس لیے ہم اللہ کے حکم سے اس خطے میں ہمیشہ اپنے پرچم کو بلند کرتے رہیں گے۔واضح رہے کہ 2 اکتوبر 2018 میں ترکی کے شہر استنبول میں قائم سعودی عرب کے قونصل خانے میں سعودی صحافی جمال خاشقجی کے قت-ل کے بعد ترکی اور ریاض کے مابین تعلقات خاصے کشیدہ ہوگئے تھے۔ترک صدر نے کہا تھا کہ جمال خاشقجی کے ق-تل کا حکم سعودی حکومت کے ’اعلی عہدیداروں‘ سے آیا تھا لیکن انہوں نے کبھی بھی ولی عہد شہزادہ محمد بن سلمان پر براہ راست الزام نہیں عائد کیا۔رواں ہفتے کے آغاز میں ترکی نے جمال کاشقجی ق-تل کیس میں 6 سعودی مل-زمان پر فرد جر-م عائد کی تھی۔ملز-مان میں سے کوئی بھی ترکی میں موجود نہیں اور ان کی غیر حاضری پر مقدمہ چلایا جائے گا۔حال ہی میں ترک صدر نے متحدہ عرب امارات اور بحرین کے اسرائیل کے ساتھ تعلقات معمول پر لانے کے فیصلے کی مذمت کی تھی۔متحدہ عرب امارات اور اسرائیل کے مابین تعلقات معمول پر لانے کے اعلان کے بعد ترک صدر نے متنبہ کیا تھا کہ استنبول اس کے جواب میں خلیجی ریاست کے ساتھ سفارتی تعلقات معطل کرسکتا ہے۔